Qeveria e Kosovës në mbledhjen e sotme ka miratuar raportin mbi arritjet dhe sfidat në zbatimin e marrëveshjes së Brukselit.

Kryeministri i vendit, Ramush Haradinaj, në mbledhjen e kabinetit qeveritar ka bërë me dije se ky raport paraqet të arriturat për normalizimin e marrëdhënieve ndërmjet Kosovës dhe Serbisë.

Haradinaj ka shtuar se kjo është hera e parë që përgatitet një raport i tillë.

Kryeministri ka treguar se raporti do t’u dërgohet deputetëve të Kuvendit ku do të kenë mundësi të shohin të arriturat dhe sfidat e këtij procesi.

/Epoka e re/