Pas interesimit të Paris Saint-Germain për Marcus Rashford, Manchester United e ka bërë të qartë se nuk ka plane të shesë anësorin e tyre.

Gjigantët francezë po e shikojnë sulmuesin anglez si një zëvendësues të mundshëm të Kylian Mbappes, i cili ka qenë i lidhur fort me një kalim te Real Madrid. Sipas “Fichajes.net”, Unitedi nuk është i gatshëm të pranojë asnjë ofertë për Rashfordin. Kjo mund të jetë një surprizë pasi anësori ka arritur të shënojë vetëm pesë gola në 31 ndeshje në të gjitha garat këtë sezon.

Megjithatë, Unitedi ka zgjedhur të qëndrojë në krah të Rashford, i cili filloi karrierën e tij në “Old Trafford” pas kalimit nga akademia e tyre. Klubi beson se 26-vjeçari do të rikthehet dhe do të gjejë përsëri formën e tij më të mirë.