Real Madridi nuk ka reaguar ende ndaj tërheqjes së Cristiano Ronaldos nga kombëtarja e Portugalisë.

Sulmuesi 41-vjeçar ka njoftuar përfundimin e karrierës së tij ndërkombëtare të enjten pasdite, pas disa problemeve mes tij, federatës dhe trajnerit, për të cilat nuk është gjetur zgjidhje.

Pensionimi i tij nga kombëtarja ka bërë që Ronaldo të jetë temë diskutimi për të gjithë, por jo edhe për ish-klubin e tij, Real Madridin, me të cilin ka fituar shumë trofe.

Në kohën e shkrimit të këtij artikulli, Real Madridi nuk ka publikuar ende ndonjë deklaratë në lidhje me këtë rast në rrjetet sociale ose në faqen e tij të internetit.

Të gjitha klubet e tjera për të cilat ka luajtur Cristiano, nga Sporting Lisbona te Manchester United, Juventusi dhe Al-Nassr, kanë publikuar homazhe kushtuar yllit portugez.

Vlen të përmendet se Ronaldo është golashënuesi më i mirë i të gjitha kohërave në historinë e klubit madrilen. Gjatë kohës së tij me “Los Blancos”, ai ka luajtur 438 ndeshje dhe ka shënuar 450 gola.