Në 24 orët e fundit, 15 raste të reja me Covid-19 janë regjistruar në zonat e banuara me serbë në Kosovë.

Prej këtij numri, 12 janë nga veriu, ndërsa tre janë të infektuar rishtazi nga zona të tjera, ka njoftuar sot Shtabi i Situatave të Emergjencave në veriu të Mitrovicës.

Specialisti i epidemiologjisë në veri të Mitrovicës,  Aleksandër Antonijeviq, ka theksuar se një rritje e numrit të pacientëve të rinj është regjistruar në Kosovë, raporton “Radio Kontakt Plus”.

Gjithashtu, pesë pacientë me koronavirus janë regjistruar me qëndrim në Serbi, të cilët janë kryesisht studentë.