Robert Berisha, ka qenë një prej-ish konkurrentëve simpatikë të formatit ‘Ferma VIP’, ku në ‘Prime-n’ e sotëm ka vendosur të lërë garën përgjysmë.

Epo kjo ishte diçka e pritshme apo jo? Mos thoni që s’ju kemi paralajmëruar…

Pak ditë më parë, kemi postuar një njoftim që kishte të bënte lidhur me një koncert që Robert Berisha do të zhvillojë më datë 13 prill.

Por problemi qëndronte se si Roberti do të ishte pjesë e këtij koncerti ndërsa ai ishte brenda shtëpisë së ‘Ferma VIP’?

Epo përgjigjen e kësaj e kemi marrë direkt ditën e nesërme, ku Roberti ka dhënë një ‘paralajmërim’ lidhur me ‘braktisjen’ e programit pasi kishte mall për vajzën.

E kështu mbrëmjen e sotme ai ka vendosur të lërë garën përgjysmë dhe moderatorja Fjoralba Ponari i ka përmendur koncertin, por këngëtari është shpehur se menaxheri i tij nuk e ka anulluar koncertin dhe arsyeja e daljes së tij është vetëm malli për vajzën dhe koncerti nuk ka lidhje fare.