Një prej gardianëve mbretëror ka humbur ndjenjat teksa ishte duke qëndruar para arkivolit të mbretëreshës Elisabeth, brenda sallës Westminster.

Siç duket nga pamjet e mëposhtme, roja me uniformë humb ndjenjat dhe përplaset në tokë, e ndërsa dy roje të tjerë vrapojnë për t’i dhënë ndihmën e parë.

Arkivoli i monarkes u transportua në një karrocë armësh përmes Londrës, ndërsa dhjetëra mijëra qytetarë ishin rreshtuar në të dy krahët e rrugës dhe i bënë nderimet e tyre.

Arkivoli i Mbretëreshës tani do të pushojë nga ora 17:00 e së mërkurës, 14 shtator deri në orën 6:30 të mëngjesit të së hënës më 19 shtator, ditën e funeralit.