Ronaldo përfundon testet mjekësore dhe nënshkruan kontratën me Unitedin
Cristiano Ronaldo ka përfunduar testet mjekësore dhe ka nënshkruar kontratën me Manchester United.
Ronaldo ka nënshkruar kontratë dy vjeçare dhe do të bëhet lojtari më i paguar ndonjëherë në Premier Ligë.
Ole Gunnar Solskjaer u shpreh i lumtur me nënshkrimin e Ronaldos, dje pas ndeshjes, shkruan “Skysports”.
“Sigurisht që ne jemi të ngazëllyer nga e gjithë historia që Cristiano ka pasur në Manchester United”, ka thënë ai për “Sky Sports”.
“Ai është një fitues. Lojtarët janë të ngazëllyer, dhe unë jam i ngazëllyer. Ai shton diçka krejtësisht tjetër në ekip. Ai shton më shumë besim në atë që ne po bëjmë dhe atë që ne po ndërtojmë”, u shpreh Solskjaer.
Procesi i vizave tashmë ka filluar në mënyrë që Cristiano Ronaldo të jetë në dispozicion për ndeshjen e ardhshme të Unitedit kundër Newcastle.