Turneu final i Kupës zhvillohet të shtunën dhe të dielën në Pejë. KHF Istogu është fitues në fuqi, ndërsa në gjysmëfinale përballet me Vushtrrinë.

Kapitenia e Istogut, Albina Rugova e vlerëson lartë turneun final të Kupës së Kosovës në hendboll. Rugova ka udhëhequr Istogun drejt shumë trofeve, ndërsa synon që me skuadrën ta fitojë edhe Kupën e Kosovës për edicionin 2023/2024.

“Final 4 gjithmonë sjellë atmosferë të veçantë. Të gjitha skuadrat e synojnë trofeun e Kupës së Kosovës. Dihet që Istogu gjithmonë lufton për trofe. Kemi tejkaluar disa probleme të vogla me lëndime. Atmosfera në skuadër është shumë e mirë. Me përkrahjen edhe të publikut istogas, synojmë trofeun e gjashtë me radhë të Kupës së Kosovës. Prej një turne shumë interesant po ashtu. Të gjitha skuadrat pretendente kanë lojtare cilësore. Na presin ndeshje të vështira e gjithsesi cilësore. Istogu në Pejë luan si në shtëpi të vet dhe kjo pres të jetë përparësi për ne”, ka thënë Rugova.