Rusia do ta kthejë në Bosnjë dhuratën që Dodiku i bëri Lavrovit

19 dhjetor 13:03

Ministri e Jashtme e Rusisë njoftoi se ikona e Shën Nikollës, e cila iu dha ministrit të Jashtëm rus, Sergey Lavrov në Bosnjë e Hercegovinë, do t’i kthehet Bosnjës për të sqaruar rëndësinë e saj historike.

“Ikona do t’u kthehet donatorëve, në mënyrë që të sqarohet më tej historia e saj përmes INTERPOL-it”, ka sqaruar ministria ruse, raporton RIA Novosti.

Më herët, Prokuroria e Bosnjës ka paralajmëruar se do të verifikojë informatat e Ministrisë së Punëve të Jashtme lidhur me këtë ikonë që i është dhuruar Lavrovit.

Ikona 300-vjeçare, që udhëheqësi serb i Bosnjës, Millorad Dodik ia dha Lavrovit, gjatë kësaj jave, kur ai vizitoi Bosnjën, mund të jetë kontrabanduar në mënyrë të paligjshme nga Ukraina lindore e shkatërruar nga lufta.

Shqetësimet u ngritën nga ambasada e Ukrainës në Sarajevë, pasi agjencia e lajmeve Srna në Bosnjë publikoi një fotografi të ikonës dhe vulën e saj të vërtetësisë, e cila sugjeron se ajo mund të ketë origjinën në qytetin e Lugansk, ku separatistët pro-rusë po luftojnë forcat e Kievit.

Deri më tani, Millorad Dodik, përfaqësuesi serb në presidencën tre-anëtarëshe të Bosnjës, ka refuzuar të komentojë mbi këtë çështje.

Lajme të sponsorizuara

Të fundit
Deputetja e PDK-së, Blerta Deliu, ka thënë se nuk ka…