Rusia ndërmori një sulm me dronë në Kiev dhe rajonin përreth, njoftuan autoritetet ukrainase.

Sulmi gjatë natës, pas një pauze 12 ditore, vjen ndërsa sistemet ajrore ukrainase kanë shkatërruar të gjitha mjetet ajrore brenda perimetrit, sipas zyrtarëve ushtarak ukrainas.

Forcat ajrore ukrainase thanë se sulmi përfshinte tetë drone të modelit “Shahed” të prodhuar nga Irani dhe tre raketa të telekomanduara, të cilat u asgjesuan.

Gjenerali Serhiy Popko, drejtues i administratës ushtarake të Kievit, shkroi në rrjetin Telegram se Kievi ishte përballur me një tjetër sulm armik.

Tre shtëpi private u dëmtuan në rajonin e Kievit si pasojë e rënies së mbeturinave të dronëve, duke plagosur një individ, njoftoi Ruslan Kravchenko, kreu ushtarak i rajonit.