Sami Lushtaku, Rrahman Rama e Hisni Thaçi vizitojnë ish-presidentin Thaçi në Hagë

04 shkurt 2023 | 17:16

Nënkryetari i komunës së Skenderajt, Sami Lushtaku, përmes një postimi në Facebook ka bërë të ditur se bashkë me Rrahman Ramën e Hisni Thaçin, e kanë vizituar ish-presidentin, Hashim Thaçi në Hagë.

Lushtaku tha se Hashim Thaçi bashkë me të gjithë bashkëluftëtarët e tjerë, në fund të këtij procesi, do të dalin fitimtarë.

“Sot së bashku me Gjeneralin Rrahman Rama e bashkëluftëtarin Hisni Thaçi, vizituam në Hagë mikun tonë, Presidentin Hashim Thaçi. I fortë si gjithmonë, me qëndrim dinjitoz prej një burrështetasi, Presidenti Thaçi bashkë me të gjithë bashkëluftëtarët e tjerë, në fund të këtij procesi do të dalin fitimtarë”, ka shkruar Lushtaku.

Ndërkohë që ditën e djeshme në Hagë ka qëndruar për vizitë edhe Adem Grabovci, Isni Kilaj dhe Hajredin Kuçi, ndërsa nesër pritet që edhe Fatmir Limaj të vizitoj Presidentin Thaçi dhe bashkëluftëtarët tjerë.

Lajme të sponsorizuara

Të fundit
Llapi ka fituar ndaj Lirisë 3-2 në Prizren për të…