Leroy Sane është një nga futbollistët që po spikatin te Manchester City dhe drejtuesit e klubit janë vënë në lëvizje menjëherë për t’i rinovuar kontratën. 22-vjeçari është i lidhur me “qytetarët” deri në verën e 2021-shit, por së fundi ndaj tij ka shfaqur interes të fortë gjiganti i futbollit gjerman, Bayern Munchen. Pikërisht për këtë arsye, drejtuesit e Cityt janë gati t’i ofrojnë një kontratë të re, me afat të paktën deri më 2023-shin dhe, para së gjithash, një klauzolë që vështirëson largimin. Sane u la jashtë botërorit “Rusi 2018” nga trajneri Low, por duket se është rikthyer sërish te kombëtarja gjermane dhe pritet të marrë një rol të rëndësishëm tashmë.