Santosi largohet nga Portugalia
13 dhjetor 2022
| 12:02
Fernando Santos nuk do të jetë më trajneri i Portugalisë. Mediet portugeze raportojnë se Santosi ka arritur marrëveshje me Federatën e Futbollit të Portugalisë për shkëputjen e kontratës, e cila i skadon në verën e vitit 2024.
Santos është kritikuar për vendimet e tij në Kupën e Botës pasi kishte vendosur ta lë në stol Cristiano Ronaldon në dy ndeshjet e fundit. Portugalia u eliminua në çerekfinale nga Maroku pasi u mposhtën me rezultat 1-0 në çerekfinale.
Nën drejtimin e Santos, Portugalia është shpallur kampione e Evropës dhe ka triumfuar në Ligën e Kombeve.