Së paku 18 të vdekur në një aksident rrugor në Pakistan

11 qershor 11:37

Së paku 18 vetë humbën jetën kur një autobus që transportonte disa pelegrinë u përmbys në një autostradë në provincën Baluçistan të Pakistanit.

Një zyrtar i policisë lokale në qarkun Khuzdar, ka thënë se ekipet e shpëtimit i kanë dërguar rreth 30 të plagosur në një spital pranë.

Sipas mediave lokale, disa prej tyre janë në gjendje kritike.

Autoritetet kanë thënë se shoferi ka humbur kontrollin e autobusit nga shpejtësia.

Autobusi po kthehej në qytetin Dadu të provincës Sind, pas vizitës në një tempull të shenjtë.

Pakistani ka një nga nivelet më të larta të aksidenteve në botë.

Rrugët e dobëta dhe mosrespektimi i rregullave të sigurisë është thënë se kontribuojnë në to.

Lajme të sponsorizuara

Të fundit
Kryeministri Albin Kurti, bashkë me deputetë, ministra e aktivistë të…