Sergio Ramos zbulon vështirësitë personale teksa ende nuk ka debutuar me PSG-në

27 nëntor 22:24

Sergio Ramos ka përjetuar një fillim të vështirë të jetës në Paris Saint-Germain, duke mos u paraqitur ende për klubin e tij të ri për shkak të një sërë lëndimesh.

Ish-kapiteni i Real Madrid duket se është rikthyer në rrugën e duhur pasi është përfshirë në skuadër në humbjen e mesjavës në Ligën e Kampionëve ndaj Manchester Cityt, por pranoi se rruga drejt rikuperimit kishte qenë e vështirë.

“Në fund janë momente të vështira, momente vetmie – orë të tëra në palestër me fizioterapeutin, me trajnerin e fitnesit”, ka thënë fillimisht Ramos në një intervistë për Amazon Prime Video.

“Ju vazhdimisht keni mendime negative që ndonjëherë ju bëjnë të dyshoni në vete”.

“Kam besuar në veten time dhe në punën e palodhur. Unë fokusohem që t’i kthej klubit besimin që ka dhënë tek unë. Shpresoj të arrij nivelin tim më të mirë”.

Pavarësisht pengesave të tij të fundit, 35-vjeçari beson se mund të luajë ende në nivelin më të lartë për një kohë të gjatë.

“Mendoj se mund të vazhdoj të luaj edhe për katër apo pesë vite të tjera”.

“Gjëja më e rëndësishme është që koka ime të qëndrojë e bashkuar. Shpresoj që të mos kem më probleme fizike”, përfundoi spanjolli.

Lajme të sponsorizuara

Të fundit
Ambasada Amerikane në Kosovës ka publikuar një njoftim për të…