Elhami Shabani, Fortesa Orana dhe Ylli Cenaj janë eliminuar nga Kampionati Botëror i Karatesë, që po mbahet në Dubai.

Tre karateistët e Kosovës nuk kanë arritur t’i fitojnë luftërat e para në repesazh.

Shabani, që garon në kategorinë deri 75 kilogramë, u mposht të enjten nga karateisti i Danimarkës, Viberg Larsen Mads.

Edhe karateistja Fortesa Orana e kategorisë mbi 68 kilogramë u mposht nga hungarezja, Dorottya Pap, ndërsa Ylli Cenaj në kategorinë deri 67 kilogramë nga karateisti i Curaçaos, Jordy Timmermans.

Në garë për medalje të bronztë nëpërmjet repesazhit ka mbetur Albulena Gërvalla, që do të përballet me garuesen nga Singapori, Ying Shi Tan.