Endrit Shala nga Nisma Socialdemokrate, e ka komentuar vendimin e ri të qeverisë në detyrë për masat e reja të reciprocitetit të vendosura ndaj Serbisë.
Ai ka thënë se ky është një mashtrim nga qeveria në detyrë, e cila drejtohet nga Albin Kurti.
“Ky nuk është vendim, ky është edhe një mashtrim i radhës, edhe një gënjeshtër e radhës për të tentuar ta gënjejnë qytetarin nga qeveria e shkarkuar nga më shumë se dy të tretat e Kuvendit”.
“Kjo qeveri nuk njihet për asnjë të mirë, vetëm për vendime të këqija, që nga prishja e marrëdhënieve me ShBA-në, shkarkime të paligjshme, emërime të borde puro politike si dhe qeveria më jetë shkurtër në historinë e Kosovës”, ka thënë ai për “Klan Kosovën”.
Më tutje, Shala ka akuzuar Kurtin se ky vendim ishte marrë nga qeveria e kaluar, sa ishte vet ministër i Tregtisë dhe Industrisë (MTI).
“Vendimi i tyre, është marrë nga qeveria e kaluar në vitin 2018”.
“Pas vendimit të MTI-së që e kam marrë si urdhëresë për këtë çështje, pas kësaj është bërë edhe vendimi i qeverisë”, ka thënë ai.
Më poshtë keni disa dokumente që Shala ka thënë se janë vendime të marra nga ata në qeverisjen e tyre: