Instituti Kombëtar i Shëndetësisë Publike të Kosovës (IKShPK) ka njoftuar se gjatë 24 orëve janë shëruar 264 persona të cilët kanë qenë të infektuar me Covid-19.

“Numri total i rasteve pozitive është 68 351 raste nga 300 198 persona të dyshimtë në virusin SARS-CoV-2 dhe 1 592 raste të vdekjes. Gjatë 24 orëve të fundit, janë shëruar 264 pacientë derisa numri i përgjithshëm i të shëruarve deri më sot është gjithsej 59 438 raste, kurse numri i rasteve aktive është 7 321”, ka njoftuar IKShPK-ja.