Shkarkohet kryeshefi i Stacionit të Autobusëve
08 tetor 2021
| 11:55
Kryeshefi ekzekutiv i Stacionit të Autobusëve, Luan Hoti, është shkarkuar nga pozita e tij.
Lajmin për shkarkim e ka konfirmuar vetë Hoti në profilin e tij në “Facebook”.
Ai ka shkruar se nëse nuk bëhesh i dëgjueshëm ndaj bordeve politike, atëherë do të shkarkohesh.
“Pas 20 vitesh paraqet bilanc pozitiv, lufton krimin e organizuar, eliminon keqpërdorimet, eliminon nepotizmin, nuk punëson askënd dhe bordit ua prish kombinimet politike ruanu se ata të shkarkojnë. Bordet politike nuk janë mësuar kështu! Ata duan të punësojnë të afërmit e tyre pa konkurs, duan që të shpenzojnë paren publike pa mbulesë të organizojnë workshope në Durrës pa nevojë, dhe nëse nuk je i dëgjueshëm të shkarkojnë”, ka shkruar Hoti ndër të tjera.