Shkarkohet ministrja, porositi 2 milionë dollarë lëpirëse për fëmijët
06 qershor 2020
| 11:49
Ministrja e Arsimit në Madagaskar u shkarkua nga detyra pasi kishte planifikuar të porosiste lëpirëse me vlerë 2 milionë dollarë për nxënësit e shkollave.
Ministrja e Arsimit, Rijasoa Andriamanana deklaronte se çdo fëmije do t’i jepeshin tre lëpirëse për të hequr shijen e hidhur të një ilaçi bimor që shumë vende afrikane po e përdorin si mjekim kundër koronavirusit.
Ky plan u anulua pas kundërshtimit nga presidenti Andry Rajoelina, i cili po e promovon lëngun tonik Covid-Organics për të kuruar koronavirusin.
Shumë vende afrikane vijojnë importimin e këtij lëngu bimor duke besuar në vetitë e tij kundra virusit, megjithëse Organizata Botërore e Shëndetësisë ka paralajmëruar se nuk ka prova se ai ka efekte kundër Covid-19.