Shkencëtari izraelit zbulon testin më të shpejtë për rezultat të Covidit

15 maj 2020 | 09:21

Shkencëtari izraelit Gabby Sarusi ka zbuluar një test shumë të shpejtë të sëmundjes COVID-19, që jep një rezultat pozitiv ose negativ në më pak se një minutë, madje edhe pas 20 sekondash, raportojnë mediat izraelite.

Në një deklaratë të Universitetit “Ben Gurion” në Izrael thuhet se kjo pajisje testimi fillimisht duhet të miratohet, një proces që zgjat dy deri në tre muaj, raporton Rel.

Prodhimi i testit mund të fillojë në shtator ose tetor.

Vlerësohet se një pajisje mund të japë rezultatet e 4 500 testeve në ditë, nëse llogaritet se një test zgjat 20 sekonda.

Pajisja kryesore do të kushtojë rreth 400 000 dollarë dhe secili test 40 deri 50 dollarë amerikanë, parashikon profesori Sarusi.

Deri më tani testi ka treguar një saktësi prej 90 përqindësh dhe është provuar në një mostër prej 120 izraelitësh, nga të cilët 45 për qind ishin të infektuar me koronavirus dhe 55 për qind të shëndetshëm.

Lajme të sponsorizuara

Të fundit
Ish-veterani i luftës së Ushtrisë Çlirimtare të Kosovës, Shefki Behluli,…