Shkolla ‘Hasan Prishtina’ shënon 50-vjetorin e themelimit (Foto)

27 prill 2018 | 12:21

Shkolla Fillore dhe e Mesme e Ulët “Hasan Prishtina” e cila gjendet në lagjen “Ulpiana” në Prishtinë ka shënuar 50-vjetorin e themelimit.

Aktiviteti kryesor për shënimin e kësaj dite është mbajtur në Sallën e Kuqe të Pallatit të Rinisë. Në këtë aktivitet kanë marrë pjesë nxënës, mësues dhe ish-mësues të kësaj shkolle, drejtori i Arsimit në komunën e Prishtinës, Jonuz Salihaj, ish-nxënësi i kësaj shkolle, tani shef i grupit parlamentar të PDK-së, Memli Krasniqi, përfaqësuesi i Zyrës së kryeministrit, Gani Demaj, përfaqësues të KFOR-it, etj.

Drejtoresha e shkollës “Hasan Prishtina”, Sofije Bunjaku, para të pranishmeve në këtë aktivitet, ka përshkuar rrugën e gjatë të kësaj shkolle dhe të arriturat e saj.

Nga një fjalë rasti në shënimin e 50-vjetorit të shkollës “Hasan Prishtina”, kanë mbajtur edhe drejtori i Arsimit në komunën e Prishtinës, Jonuz Salihaj dhe shefi i grupit parlamentar të PDK-së, Memli Krasniqi.

Në fund të këtij aktiviteti para të pranishmëve është mbajtur një program kulturo-artistik.

/Epoka e re/

Lajme të sponsorizuara

Të fundit
Mesfushori Liridon Fetahaj ka thënë se Prishtina në këtë edicion…