E premte, 3 maj 2024

Shoqata humanitare ‘Busavata’ dhuron shtretër dhe karrige për shëndetësinë në Kamenicë

28 prill 2021 | 14:13

Komuna e Kamenicës ka pranuar donacion me shtretër dhe karrige për sektorin e shëndetësisë. Ky donacion është dhuruar nga Shoqata Humanitare ‘Busavata’ e përfaqësuar nga bashkatdhetari Asllan Maliqi.

I pari i komunës Qëndron Kastrati duke falënderuar Shoqatën Humanitare ‘Busavata’ ka thënë se diaspora çdoherë ndihmon me pajisje e mjete të cilat janë në shërbim të qytetarëve.

“Sot pranuam donacionin me shtretër dhe karrige për shëndetësinë. Diaspora vazhdimisht po na del në ndihmë me pajisje e mjete të cilat do të jenë në shërbim të qytetarëve të Kamenicës. Për donacionin në fjalë falënderojmë jashtëzakonisht shumë bashkatdhetarin tonë Asllan Maliqi dhe Shoqatën Humanitare ‘Busavata’, e që nuk është hera e parë që po sjellin donacione”, është shprehur Kastrati.