Simiqi kërcënon për targat: Kurti s’do paqe, gjoba e parë do të na bëjë të reagojmë ashpër

31 tetor 11:39

Nënkryetari i Listës Serbe, Igor Simiq, ka thënë se është e qartë se kryeministri i Kosovës, Albin Kurti nuk ka ndërmend të heqë dorë nga plani për konvertimin e targave nga serbët, me të cilin ai thotë se “dëshiron që ta cenojë paqen”.

Duke folur për vendimin e fundit të Qeverisë së Kosovës, Simiqi nuk ka harruar diskursin e trashëguar të Vuçiqit, duke thënë se “serbët nuk do ta lejojnë shtypjen”.

Siç ka thënë ai, nuk ka asnjë serb që është i gatshëm t’i ndërrojë targat e lëshuara nga Serbia.

“Në këtë kuptim, reagimi dhe përgjigja është shumë e qartë. Vendosja e gjobës së parë do të jetë arsyeja e një reagimi të ashpër ndaj planit të Kurtit për heqjen e të drejtës së të drejtës së serbëve, konfiskimin e pronës së tyre dhe mohimin e të drejtës për lirinë e lëvizjes”, ka thënë Simiqi për “TV Pink”.

Lajme të sponsorizuara

Të fundit
Aleksandar Arsenijeviq, lideri i iniciativës qytetare “Mbijetesa serbe” dhe Stefan…