Federata e Sindikatave të Shëndetësisë së Kosovës do të mbajë sot, e enjte, në orën 12:00, një protestë para ndërtesës së Qeverisë së Kosovës.

Kërkesa kryesore e kësaj proteste është rritja e pagave për punonjësit e sektorit shëndetësor.

Organizatorët kanë theksuar se punonjësit e shëndetësisë ndodhen në kushte të vështira pune dhe me paga që nuk i përmbushin nevojat e tyre.