Skandal në futbollin kolumbian, flitet për kurdisje
Shoqata e futbollistëve kolumbianë ka bërë thirrje për një hetim mbi rrethanat e dyshimta rreth një ndeshjeje që u vendos me një gol të vonuar që një lojtar i nivelit të lartë e quajti një “turp për futbollin kolumbian”.
Llaneros luajti në shtëpi me Union Magdalena të shtunën mbrëma dhe kryesonte 1-0 deri në minutën e 95-të, kur mysafirët shënuan dy herë radhazi. Videoja e golit të fitores u shfaq ku tregonte se lojtarët e Llaneros që mbështesin kundërshtarët e tyre dhe i lejojnë ata të shënojnë.
Rezultati bëri që Unión Magdalena të ngjitej në ligën më të lartë, liga Dimayor, përpara Fortalezas, e cila humbi 2-1 në shtëpi po atë natë ndaj Bogotas.
“Duke parë petkun e dyshimit se rezultati i ndeshjes mes Club Llaneros FC dhe Unión Magdalena ka krijuar, i kërkojmë komisionit disiplinor të Dimayor që të kryejë një hetim rigoroz sa më shpejt të jetë e mundur”, tha shoqata e futbollistëve profesionistë në Twitter.
Trajneri i Fortalezas, Nelson Florez shpërtheu në lot në konferencën për shtyp pas ndeshjes. Edhe pse pranoi se nuk kishin bërë pjesën e tyre duke fituar, ai e vuri në dyshim rezultatin.
“Nuk më vjen turp të qaj, sepse ndihem i grabitur”, tha ai.
“Ne mund të humbasim, por jo në këtë mënyrë”, përfundoi ai.
