Zëdhënësi i Lëvizjes Vetëvendosje, Arlind Manxhuka, ka bërë me dije se kjo lëvizje nuk ka planifikuar ndonjë takim në mes të kryetarit të saj, Albin Kurti dhe atij të LDK-së, Isa Mustafa për të diskutuar në lidhje me marrëveshjen për bashkëqeverisje.

“Shumë gazetarë po bëjnë pyetje se a ka takim sot mes VV-së dhe LDK-së. Me informacionet që kemi nga strukturat e Lëvizjes nuk është planifikuar ndonjë takim për sot”, ka shkruar Manxhuka në llogarinë e vet në “Facebook”.

Kujtojmë se çështja e presidentit është duke e pamundësuar arritjen e marrëveshjes në mes të Vetëvendosjes dhe LDK-së.

/Epoka e re/