Tri ndeshjet e javës së 21-të në Superligën e Kosovës në futboll kanë sjellë rezultate interesante dhe tash gara për titull është bërë edhe më interesante, pasi Prishtina e ka mposhtur Dritën e, në anën tjetër, Ballkani ka mbetur baras me Gjilanin.

Prishtina e ka fituar ndeshjen e tretë direkte me skuadrën e Dritës, këtë herë e fitoi në kampionat me rezultat 2-0. Kryeqytetasit e shënuan golin e parë kundër Dritës në minutën e 18-të, kur krosimin e Krasniqit e shfrytëzoi Leotrim Bekteshi që realizoi për 1-0. Ekipi mysafir nga minuta e 61-të ka luajtur pa një lojtar, pasi u përjashtua nga loja Onoka.

Dhjetë minuta më vonë Kastriot Rexha e barazoi rezultatin, por goli u anulua për shkak të pozitës jashtë lojës. Në fund të ndeshjes rezultatin final 2-0 e vulosi zëvendësuesi Tun Bardhoku. Pas kësaj xhiroje, Prishtina ngritët në kuotën e 41 pikëve dhe është në vendin e tretë, Drita pozicionohet një pozitë më lart me 44 pikë. Derbi tjetër i elitës në mes të Gjilanit dhe Ballkanit ka përfunduar me rezultat 1-1. Trepça ’89, pas fitores ndaj Dritës në fundjavën e kaluar, arriti t’i marrë tri pikë të rëndësishme edhe në përballje me Llapin (1-0). Goli i shënuar në fund të pjesës së parë nga Mohamed Darëish i ka mjaftuar 89-shit që ta fitoi ndeshjen. Trepça ’89, pas kësaj fitore, është e pesta në tabelë me 28 pikë, kurse Llapi është në pozitën e shtatë me 23 pikë.

Sot (e enjte) zhvillohen dy ndeshjet e radhës. Do të përballen Feronikeli – Drenica dhe Besa – Arbëria.

SUPERLIGA – Java 21

Gjilani – Ballkani     1-1
Trepça ’89 – Llapi    1-0
Prishtina – Drita      2-0

Të enjten takohen:
13:00 Feronikeli – Drenica
13:00 Besa – Arbëria

Tabela

1. Ballkani          21     45 pikë
2. Drita               21     44
3. Prishtina        21     41
4. Gjilani            21     31
5. Trepça ’89     21     28
6. Feronikeli     20     24
7. Llapi               21     23
8. Arbëria          20    22
9. Drenica          20    20
10. Besa                20     7

/Epoka e re/