Policia e Kosovës ka njoftuar se dy qytetarë shqiptarë janë sulmuar në hyrje të sheshit kryesor të Mitrovicës së Veriut.

Policia ka thënë se viktimat janë sulmuar nga një grup të cilët kanë qenë të “maskuar dhe të organizuar për sulmin e kryer”.

“Si pasojë e sulmeve, dy viktimat kanë pësuar lëndime trupore dhe të njëjtit janë dërguar për trajtim mjekësor”, ka njoftuar Policia e Kosovës.