Tahiri: BE-ja ka rënë në provim para Kosovës sa i takon liberalizimit të vizave

25 nëntor 08:37

Ish-ministrja për Dialog, kryetarja e Alternativës Demokratike të Kosovës (ADK), Edita Tahiri, ka thënë se vendit urgjentisht i duhet një qeveri e unitetit, në të cilën do të përfshiheshin partitë politike parlamentare.

Në intervistën dhënë për gazetën “Epoka e re”, ajo ka theksuar se në momente strategjike për vendin ka ndodhur një lloj uniteti, ku Kosova ishte e fortë për realizimin e synimeve të veta.

Ajo ka thënë se kjo qeveri nuk ka vota të  mjaftueshme për të kaluar një ligj i cili është jetik për qytetarët.

Tahiri ka thënë se qeveria e unitetet është më se e domosdoshme kur kemi parasysh se Kosova në këtë kohë është duke u përballur edhe me Gjykatën Speciale.

“Kosova është në një gjendje shumë të rëndë në përgjithësi, në njërën anë për shkak të pandemisë dhe inicimi i proceseve nga Gjykata Speciale e ka rënduar këtë gjendje edhe më shumë. Kjo gjendje kërkon një mobilizim më të madh të institucioneve të shtetit tonë. E para për të siguruar një mbrojtje shtetërore sa më të mirë për ata që janë në gjykatë, në mënyrë që argumentimi të bëhet me një mbështetje sa më të madhe institucionale”, ka thënë Tahiri.

Ajo ka theksuar se nëse nuk do të ketë mundësi për një unitet i cili ndërlidhet edhe me çështjen e zgjedhjes së një presidenti konsensual, atëherë alternativa mund të mbesin zgjedhjet e reja.

Në këtë intervistë ish-zëvendëskryeministrja Edita Tahiri ka folur edhe për dialogun Kosovë – Serbi. Vazhdimin e këtij dialogu ajo e lidh me krijimin e një qeverie të unitetit.

“Mendoj se fillimisht duhet të formohet një qeveri e unitetit dhe pastaj në një konsultë serioze ndërmjet të gjitha palëve, edhe me aleatët tanë, ShBA-në dhe Evropën, të vendoset në lidhje me ardhmërinë e këtij dialogu”, është shprehur ajo.

Tahiri ka folur edhe për procesin e liberalizimit të vizave. “Koha është që të liberalizohen vizat këtë vit dhe të mos shtyhet më tej ky proces, se me të vërtetë BE-ja ka rënë në provim para Kosovës sa i takon liberalizimit të vizave, por edhe të përshpejtohet procesi i hapjes së negociatave për anëtarësim të Kosovës”, ka deklaruar Tahiri.

Intervista e plotë në linkun më poshtë:

Edita Tahiri: Kosovës i duhet një qeveri e unitetit

Lajme të sponsorizuara

Të fundit
Lëvizja Vetëvendosje ka deklaruar se nuk do ta lejojë mbajtjen…