Përfaqësuesit e gjashtë partive politike, PDK, AAK, Nisma dhe AKR në pozitë si dhe PSD e Alternativa nga opozita, morën pjesë në takimin e ftuar nga kryeparlamentari Kadri Veseli, që për temë kishte bashkërendimin e hapave tani për fazën e fundit në procesin e dialogut me Serbinë.

Ky takim u bojkotua nga dy partitë e tjera opozitare, LDK e VV. Megjithatë, pas takimit, kryetari i Kuvendit, Kadri Veseli, deklaroi se me partitë pjesëmarrëse janë pajtuar që të ketë një qëndrim në raport me Serbinë, e ai është se Kosova është shtet i pavarur, sovran dhe me pushtet të unifikuar, ndërkohë që tha se nuk do të ketë asociacion me kompetenca ekzekutive.