Takimi historik i presidentëve të dy Koreve, shtrëngojnë duart në kufi

27 prill 11:06

Kim Jong-un u bë lideri i parë i Koresë së Veriut që shkel në Korenë e Jugut, duke kaluar vijën ushtarake që ka ndarë gadishullin që prej fundit të Luftës Koreane, në vitin 1953.

Në një moment plot simbolikë, lideri koreano-jugor Moon Jae-in dhe Kim shtrënguan duart në kufi, në të dyja anët e tij për të qenë të saktë, pasi Kim e ftoi presidentin e Koresë së Jugut që për pak çaste të kalonte kufirin drejt Veriut.

Pas ceremonive zyrtare, dy liderët hynë në Shtëpinë e Paqes në Panmunjom, një ndërtesë ushtarake në zonën e çmilitarizuar në kufi, ku Kim firmosi në Librin e Miqve.

“Një histori e re fillon këtu!”, ishte shënimi i tij.

Vizita historike u mirëprit në Korenë e Jugut. Miliona njerëz ndoqën drejtpërdrejtë momentin kur Kim Jong un dhe Moon Jae-in shtrënguan duart dhe më pas iu drejtuan “Shtëpisë së Paqes”, e ngritur pikërisht në vendin ku u nënshkrua armëpushimi që i dha fund luftës civile.

Në orët e pasdites, me orën lokale, dy udhëheqësit mbollën një pemë në shenjë simbolike duke përdorur dhe e ujë nga të dyja vendet.

Lajme të sponsorizuara

Të fundit
Sarah Jessica Parker ka realizuar një marrëveshje miliona dollarësh për…