Në një linjë autobusi në kryeqytetin amerikan Washington D.C disa djem të rinj dhe disa të rritur e nxorën një grua nga autobusi.

Në xhirim shihet si grupi e keqtrajton gruan për gati një minutë derisa ajo qëndron afër derës së autobusit. Pasi i bërtasin të ‘zbresë nga autobusi’ disa herë, autobusi ndalet në stacion, dera hapet dhe nis sulmi, raportoi televizioni amerikan FOX 5.

Dëshmitarja që e xhiroi incidentin kishte deklaruar se ajo kishte frikë për vete dhe nuk guxoi të intervenojë, por e xhiroi së paku si ndihmë. Ajo ka refuzuar të identifikohet për shkak të frikës për vete dhe familjen.

Dëshmitarja tregoi se personat e sulmuan me shishe, e shtynë, madje disa e sulmuan fizikisht duke e ngulfatur derisa e hodhën jashtë autobusi.