Gjatë ditës së djeshme në fshatin Vitomiricë të Pejës në polici është raportuar se viktima femër së bashku me viktimën mashkull janë gjetur pa shenja jete, vdekjen e të cilëve e ka konstatuar mjeku.

Rasti është duke u cilësuar si vdekje e dyshimtë dhe në vendin e ngjarjes janë gjetur dhe sekuestruar edhe dy gëzhoja të fishekëve.

“Klan Kosova” nga burimet e veta ka marrë vesh se burri dhe gruaja ishin fqinjë mes vete teksa besohet se gruaja ka vrarë fillimisht burrin e pastaj veten.

“Klan Kosova” rreth rastit në fjalë ka kontaktuar me zyrtarin për medie në Prokurorinë Themelore në Pejë, Shkodran Nikçi.

“Pasi është pranuar informata prokurori ka dalë në vendin e ngjarjes bashkë me policinë dhe trupat e pajetë janë dërguar për obduksion si dhe arma dhe gëzhojat që janë gjetur në vendin e ngjarjes janë dërguar për ekzaminim dhe në bazë ta saj mund të kuptohet motivi i ngjarjes. Kaq mund të them tani”, ka deklaruar Nikçi.