Thaçi: ‘Abeja’ dha kontribut të madh për ta shuar ëndrrën e regjimit serb për një Serbi të Madhe

10 gusht 11:09

Presidenti i Kosovës, Hashim Thaçi ka përkujtuar Bekim Berishën, Bedri Shalën, Elton Zherkën dhe Përmet Vulën, të cilët kanë rënë heroikisht 22 vjet më parë.

Duke vlerësuar kontributin e shumorëve për liri, Thaçi ka thënë se Bekim Berisha-Abeja” ka dhënë kontribut të madh për ta shuar njëherë e përgjithmonë ëndrrën e regjimit serb për një Serbi të Madhe një etnike.

Postimi i plotë i Thaçit në “Facebook”:

Kontributi i trimave tanë për t’ia ndalur hovin regjimit të Millosheviqit, në tërë territorin e ish-Jugosllavisë, ishte çdoherë i lartë. Disa prej këtyre trimave, që i luftuan heroikisht forcat policore dhe ushtarake të Serbisë ishin edhe Bekim Berisha, Bedri Shala, Elton Zherka dhe Përmet Vula.

Bekim Berisha luftoi në Kroaci e Bosnje dhe padyshim që gjaku i tij shqiptar nuk e linte asnjëherë që të mos i bashkohej radhëve të UÇK-së dhe luftës sonë të drejtë për çlirimin e Kosovës. Me guximin dhe përvojën e tij luftarake, “Abeja” dha kontribut të madh për ta shuar njëherë e përgjithmonë ëndrrën e regjimit serb për një Serbi të Madhe një etnike. Meritat dhe heroizmin e tij i vlerëson lart edhe shteti i Kroacisë.

Bekim Berisha, Bedri Shala, Elton Zherka dhe Përmet Vula dhanë kontribut të pakrahasueshëm në luftën e UÇK-së, deri sa ranë heroikisht 22 vjet më parë, më 10 gusht 1998, kur iu bashkuan përjetësisht dëshmorëve që u flijuan për lirinë e Kosovës.

Atë ditë i humbëm disa prej luftëtarëve më të zotë, por rënia heroike e tyre vetëm sa e rriti moralin dhe motivimin e ushtarëve të UÇK-së, për ta vazhduar rezistencën e armatosur deri në çlirimin e atdheut.

Kontributi i trimave tanë për t’ia ndalur hovin regjimit të Millosheviqit, në tërë territorin e ish-Jugosllavisë, ishte…

Publiée par Hashim Thaçi sur Lundi 10 août 2020

Lajme të sponsorizuara

Të fundit
Lideri i Nismës Socialdemokrate, Fatmir Limaj, ka përkujtuar Bekim Berishën-Abejën…