Presidenti i Republikës së Kosovës, Hashim Thaçi, ka bërë homazhe tek varri i dëshmorit Bahri Fazliu, në 22-vjetorin e rënies.

Me këtë rast, Thaçi ka thënë se  dëshmori Fazliu ishte një prej njerëzve më aktiv të Lëvizjes Kombëtare për Çlirimin e Kosovës.

“Sot përkujtojmë bashkëveprimtarin dhe bashkëluftëtarin heroin e kombit Bahri Fazliut, që ra në istikamet e luftës përballë ushtrisë dhe policisë serbe. Bahriu është një prej njerëzve më aktiv të Lëvizjes Kombëtare për Çlirimin e Kosovës”, ka thënë Thaçi pas homazheve.

Më tutje, presidenti ka thënë se Fazliu ishte një nga ata që e fuqizojë Ushtrinë Çlirimtare të Kosovës (UÇK).  (L.G : ‘Epoka e re’)