Presidenti i Republikës së Kosovës, Hashim Thaçi, ka zgjedhur që në ditën e parë të kësaj jave të bëjë homazhe tek varri i veprimtarit të çështjes kombëtare, Adem Demaçi.

Thaçi ka thënë se shteti dhe kombi do ta respektojnë për jetë, Adem Demaçin.

“Sot është dita e parë e punës pas ditëve të zisë pas varrimit të simbolit të rezistencës tonë kombëtare. Ndjej obligim moral dhe shtetëror që të nderojmë në mënyrë institucionale njeriun e pavarësisë së Kosovës. Duke nderuar jetën, veprën dhe angazhimin  tij jetësor për lirinë e Kosovës dhe bashkimit të shqiptarëve ne nderojmë vetveten. Shteti dhe kombi shqiptar do ta respektojë për jetë të jetëve Adem Demaçin”, ka thënë Thaçi.