Presidenti i Kosovës, Hashim Thaçi, ka vazhduar vizitat e tij në familjet e dëshmorëve të Ushtrisë Çlirimtare të Kosovës.

Ai gjatë ditës së sotme ka qëndruar për vizitë në Komoran, te familjet e Ymer dhe Skënder Alushanit.

“Në Komoran, me familjet e Ymer dhe Skënder Alushanit. Familja Alushani dha kontribut të shquar për çlirimin e atdheut. Kosova kudo ka heronjtë e lirisë dhe pavarësisë. Lavdi e përjetshme gjakut të të rënëve!”, ka shkruar Thaçi në llogarinë e vet në “Facebook”.