Top Awards, Elvana Gjata ruan kreun!

01 maj 17:22

Duket se shkëputja muzikore që Elvana Gjata pati në muzikë, e ka sjellë artisten më fuqishëm se kurrë në tregun muzikor shqiptar.

Për të 7-ën javë rresht, Elvana nuk lëshon kreun e klasifikimit të 100 këngëve më të bukura të muzikës moderne shqiptare.

Për tre javë rresht ajo ka qëndruar në krye me “Xheloz” ndërsa 4 javët e tjera me “Me Fal”. Të dyja këto këngë janë pjesë të minialbumit më të ri të Elvanës, “3”, publikuar në ditën e lindjes së saj, në një ambient të rrethuar me miq dhe familjarë.

Elvana ishte e ftuara speciale e finales së madhe të “The Voice Kids”, ku shkëlqeu me performancat “live” të këngëve “Ti Shqipëri me jep nder”, “Me Fal” si edhe “Xheloz”.

Elvana Gjata vazhdon të jetë në listë me 7 projekte muzikore, ku publikimi i saj më i ri ndërkombëtar “Off Guard” për këtë javë ka rezultuar mjaft i votuar, duke u ngjitur me 6 pozicione dhe duke zënë vendin e 27-të.

Ndërsa projektet e tjera si: “Me Fal”, “Ti Shqipëri me jep nder”, “Veç një pikë”, “Lejla” dhe “Forever is Over” renditen përkatësisht në vendin e 6-të, 16-të, 35-të, 43-të dhe 71-të. (TCh)

Fjalët Kyçe:

Lajme të sponsorizuara

Të fundit
Përfaqësuesja e Kosovës U15 në futboll sot ka udhëtuar për…