Këshilltarja në Ministrinë për Kthim dhe Komunitete në qeverinë Kurti, Rada Trajkoviq, ka bërë një sulm të ri ndaj presidentit serb, Aleksandër Vuçiq.

Përmes një shkrimi në “Twitter”, Trajkoviqi ka renditur disa cilësi, të cilat sipas saj i mungojnë presidentit.

“As nuk është sharmant. As nuk është më i zgjuari. As nuk është më i bukuri. As nuk është më i mençuri. As nuk është më i moderuari. As nuk është më stabili. Dhe doni të besojmë që është i pazëvendësueshëm? Mendoj që Serbia ka më të mirë”,  ka shkruar Trajkoviqi.

Kujtojmë se Trajkoviqi është emëruar këshilltare nga ministri Nenad Rashiq pasi ky i fundit u caktua nga Kurti që të zëvendësonte Goran Rakiqin e dorëhequr.

Ajo është përballur me sulme të vazhdueshme nga regjimi i Vuçiqit.

Niti je šarmantan.
Niti je najpametniji.
Niti je najlepši.
Niti je mudar.
Niti je umeren.
Niti je stabilan.

A vi hoćete da verujemo da je nezamenjljiv?

Pa ima valjda Srbija boljih.

— Rada Trajkovic (@trajkovic_rada) January 31, 2023