Arsenali u kualifikua në çerekfinale të Ligës së Kampionëve, duke mposhtur Porton pas goditjeve të penalltive. Trajneri i skuadrës portugeze, Sergio Conceicao, akuzoi pas ndeshjes kolegun e tij të Arsenalit, Mikel Arteta, se e ka ofenduar rëndë.

“Ajo që tha Arteta, drejt bankinës në spanjisht ishte e rëndë, ai ofendoi familjen time”, ka thënë Conceicao.

Pas përfundimit të ndeshjes, dy teknikët patën një debat intensiv në fushë.

“Ai duhet të fokusohet në stërvitjen e ekipit të tij. Rezultati ishte i padrejtë, skuadra ime e meritonte të kualifikohej”, ka shtuar trajneri i Portos.