Transferimi i sulmuesit anglez Mason Greenwood nga Olympique de Marseille te AS Roma është komplikuar, pasi klubi italian ende nuk ka siguruar fondet e nevojshme për ta finalizuar marrëveshjen.

Marseille synonte të arkëtonte rreth 50-55 milionë euro nga shitja e Greenwoodit, ndërsa Roma duhet të realizojë shitje të lojtarëve për të respektuar rregullat financiare dhe për të krijuar hapësirë për transferime të reja.

Sipas raportimeve, Roma duhet të sigurojë rreth 50 milionë euro nga shitjet deri në fund të muajit për të përmbushur kërkesat e Fair Play Financiar.

Greenwood thuhet se ka dhënë dritën jeshile për kalimin në kryeqytetin italian dhe ka një marrëveshje paraprake për kontratë, por mungesa e fondeve po e pengon mbylljen e operacionit

Një nga lojtarët që Roma po tenton ta shesë është mesfushori Manu Koné, i cili kërkohet nga disa klube të mëdha. Megjithatë, preferenca e tij për një kalim te Paris Saint-Germain F.C. po e vështirëson procesin.

Për momentin, e ardhmja e Greenwoodit mbetet e hapur, ndërsa Roma duhet të zgjidhë çështjet financiare para se të mund të mbyllë marrëveshjen.