Tusk: BE dëshiron të ketë marrëdhënie të ngushta me Britaninë pas Brexit-it

04 tetor 2018 | 18:03

Bashkimi Evropian dëshiron të ndërtojë marrëdhëniet më të mira të mundshme me Britaninë e Madhe në tregti, siguri dhe çështje ndërkombëtare pas Brexit-it, mirëpo nuk do të heqë dorë nga vlerat dhe interesat e saj themelore në këtë proces, ka thënë presidenti i Këshillit Evropian, Donald Tusk.

Në një konferencë për media me kryeministrin irlandez, Leo Varadkar, Tusk ka deklaruar se i vije keq që Britani ka vendosur të largohet nga BE-ja. “Ne ndjejmë shumë keqardhje që Mbretëria e Bashkuar ka vendosur të largohet dhe shpresojmë se do të kemi marrëdhëniet më të mira në të ardhmen”, ka thënë Tusk.

Sipas tij, askush nuk pret që për shkak të Brexit-it, BE-ja të heqë dorë nga interesat e saj themelore.

Britania e Madhe planifikon të largohet nga blloku evropian në mars të vitit 2019, mirëpo aktualisht mbetet e padefinuar marrëdhënia në mes të këtyre dy palëve pas Brexit-it.

Paqartësitë janë shtuar edhe më shumë muajin e kaluar, meqë pas një takimi në Sallsburg, liderët evropianë kanë kundërshtuar planin e kryeministres britanike, Theresa May për marrëdhëniet pas Brexit-it duke thënë se plani i saj “nuk funksionon”.

Britania në anën tjetër ka kërkuar nga diplomatët e BE-së që të tregojë respekt për Britaninë në këtë proces./rel/

Lajme të sponsorizuara

Të fundit
Gjykata e Apelit ka ndryshuar masën për deputetin e AAK-së,…