Udhëheqësit e lartë të EQAR-it vlerësojnë punën e ministrit Bytyqi

24 shtator 2018 | 13:38

Ministri i Arsimit, Shkencës dhe Teknologjisë, Shyqiri Bytyqi, ka pritur në takim presidentin e EQAR-it, Karl Dittrich dhe drejtorin e EQAR-it, Colin Tuck, me të cilët ka biseduar për punën që po bëhet dhe planet për ngritjen e cilësisë në arsimin e lartë.

Ministri Bytyqi ka falënderuar udhëheqësit e lartë të Regjistrit Evropian për Sigurimin e Cilësisë në Arsimin e Lartë (EQAR), për kontributin që kanë dhënë që arsimi i lartë të ketë rrugën hapur drejt integrimit evropian.

Ministri ka theksuar se janë në rrugë të mbarë të reformave për të krijuar standarde më të larta dhe për të bërë hapa të rëndësishëm drejt integrimit evropian.

“Në këtë drejtim, përkrahja juaj dhe këshillat tuaja janë shumë të rëndësishme dhe të nevojshme”, ka thënë Bytyqi.

Ministri Bytyqi ka folur edhe për gjendjen në universitetet publike dhe private të Kosovës.

Ai ka theksuar të arriturat që janë bërë, por edhe sfidat që hasen në këtë nivel të arsimit.

“Jemi angazhuar në krijimin e infrastrukturës ligjore që AKA-ja të funksionojë tërësisht e pavarur dhe infrastrukturës shtesë ligjore që Agjencia të jetë e pavarur gjatë kontrollit të cilësisë në arsimin e lartë”, ka deklaruar ministri Bytyqi.

Ndërsa, presidenti i EQAR-it, Karl Dittrich, ka thënë se i çmon përpjekjet e MAShT-it dhe të Agjencisë së Kosovës për Akreditim për përmirësimin e cilësisë në arsimin e lartë.

Presidenti dhe drejtori i EQAR-it u shprehën tejet të lumtur me përkushtimin e MAShT-it në funksion të pavarësimit të AKA-së dhe për krijimin e kushteve për funksionim të pavarur të këtij institucioni.

Ata shprehën besimin e tyre se me këtë angazhim AKA-ja shumë shpejt do të jetë pjesë e instancave kryesore të arsimit të lartë në Evropë.

Presidenti Dittrich ka ftuar MAShT-in që të jetë vëzhgues në asambletë dhe mbledhjet tjera të rëndësishme të EQAR-it, për të qenë në rrjedha me zhvillimet ndërkombëtare në arsimin e lartë dhe këto ndryshime pozitive t’i aplikojë në Kosovë.

/Epoka e re/

Lajme të sponsorizuara

Të fundit
Pavarësisht rezultateve jo të mira në këtë edicion garash, Gugash…