UEFA vendos për ndeshjen Danimarkë – Finlandë
12 qershor 2021
| 20:25
UEFA ka vendosur që ndeshja Danimarkë-Finlandë të rinisë prej orës 20:30. Qeveria evropiane e futbollit ka dalë me deklaratë zyrtare.
“Pas kërkesës së bërë nga lojtarët e të dyja ekipeve, UEFA ka pranuar që ndeshja mes Danimarkës dhe Finlandës të luhet sonte prej orës 20:30.
Pesë minutat e pjesës së parë do të luhen dhe më pas do të ketë pesë minuta pushim për të nisur pjesa e dytë”, shkruhet në njoftimin e bërë.
Ndeshja Danimarkë-Finlandë u ndërpre në minutën e 43-të, pasi Christian Eriksen ra pa ndjenja në fushën e blertë. Gjendja e tij është më e mirë.