Ata që banojnë në Ukrainën lindore prej kohësh kanë qëndruar poshtë një “reje përçarjeje”. Nga një anë ukrainasit, e nga ana tjetër pro-rusët, përçarja është thelluar më tepër me nisjen e luftës mes dy vendeve.

“Ky është territor rus. Ukraina është pushtuesi këtu,” tha një burrë me tuta për BCC, duke qëndruar me një grup punonjësish të këshillit. Ata kishin pastruar barërat e këqija në Bakhmut, një qytet ukrainas në vijën e fronit në Dondas të Ukrainës lindore.

Ai nuk ishte i vetmi me këtë mendim, në përbuzjen e tij të dukshme për integritetin territorial të Ukrainës. Krahas tij, 65-vjeçarja Yelena thjesht shprehu pikëpamjet e saj në terma pak më të paqartë.

“Unë nuk e njoh Putinin personalisht, kështu që nuk mund t’ju them se çfarë mendoj për të. Por unë nuk e shoh Rusinë si armik. Ne kemi jetuar të gjithë së bashku në Bashkimin Sovjetik. Pra, le të shohim se çfarë do të ndodhë nëse Rusia pushton qytetin”, tha ajo.

Nocioni se Ukraina qëndron e bashkuar me vendosmëri në kundërshtim me pushtimin e Rusisë mund të jetë e vërtetë për shumë zona. Por në Donbas, ekziston një pakicë e madhe etnike-ruse, një histori e dhimbshme e tetë viteve të konfliktit separatist e mbështetur nga Rusia dhe, veçanërisht për një brez të vjetër, një nostalgji e fuqishme për BRSS.

Rezultati është një përplasje gjithnjë e më e fortë e besnikërisë, me të paktën disa banorë të Bakhmutit – një qendër kyçe për njerëzit që ikin nga rajoni i Luhanskut më në lindje – mbështetës të pushtimit të fundit rus.

“Putini është një djalë i zgjuar, një njeri i zgjuar i KGB-së,” tha një inxhiniere 80-vjeçare në pension, ndërsa ishte ulur në kuzhinën e një kafeneje lokale duke qëruar patate. Nëse rusët pushtonin qytetin, “nuk do të kishte asnjë ndryshim për mua”, pëshpëriti ajo, përpara se të heshtte kur një koleg hyri në dhomë.

“Unë jam një krijesë e Bashkimit Sovjetik. Ne kemi jetuar të gjithë së bashku në ato ditë dhe kam të afërm kudo. Nuk do t’ju them se çfarë mendoj për Putinin,” tha një tjetër grua e moshuar etnike-ruse, e cila ishte pjesë e grupi i punës që përgatitet të mbjellë rreshta pemësh të reja në hyrje të Bakhmutit.