Vala e dytë e virusit “Korona” do të jetë më e keqe se e para

29 tetor 08:55

Presidenti francez Emmanuel Macron njoftoi një bllokim të ri mbarëkombëtar, duke pretenduar se 400,000 njerëz do të vdesin nga coronavirus nëse vendi nuk bën asgjë për të kontrolluar një valë të dytë që do të jetë ‘më vdekjeprurëse se e para’.

Sipas mediave të huaja, përcjell Telegrafi, masat kombëtare do të hyjnë në fuqi nga e premtja në mëngjes deri në 1 dhjetor dhe konsiderohen të jenë ‘më fleksibile’ sesa bllokimi i parë i vendit, me të gjitha shërbimet publike, shkollat dhe vendet thelbësore të punës të qëndrojnë të hapura.

Por njerëzit në rrugë do të duhet ende të mbajnë dokumente që justifikojnë arsyen e tyre të daljes nga shtëpia – që do t’i nënshtrohen kontrolleve të policisë – dhe baret dhe restorantet do të mbyllen.

Arsyet e aprovuara nga shteti për largimin nga shtëpia përfshijnë blerjen e mallrave thelbësore, nevojën për kujdes mjekësor ose një orë ushtrimesh.

Macron i quajti kufizimet e reja “tronditëse” por tha se ai “nuk mund të qëndronte kurrë anash dhe të shikonte qindra mijëra qytetarë francezë të vdisnin”.

“Ishte e nevojshme të insistoja në një bllokim në të gjithë vendin nga e premtja. Ne tashmë kemi arritur kapacitetin 58 për qind në njësitë e Kujdesit Intensiv. Në shumë vende kemi parë operacione të shpëtimit të jetës të vonuara. Dhe 9,000 pacientë do të jenë në Kujdes Intensiv nga mesi i nëntorit – ky është kapaciteti ynë maksimal në Francë”.

Siç bëhet e ditur më tej, masat do të jenë në fuqi të paktën më 1 dhjetor, kur ato do të rishikohen.

Macron thotë se dyqanet jo thelbësore do të lejohen të hapen brenda 15 ditëve të ardhshme nëse situata përmirësohet. A

ktualisht normat e përditshme të infektimit të Francës qëndrojnë në rreth 35,000 – të cilat duhet të bien në 5,000 që kjo të ndodhë.

Macron tha: “Virusi po përhapet në të gjithë Francën me një shpejtësi që as më pesimistët nuk e parashikuan”.

“Si kudo tjetër në Evropë, ne jemi të mbingarkuar nga një valë e dytë që ndoshta do të jetë më e vështirë dhe vdekjeprurëse se e para”, citohet të ketë thënë Macron.

Franca të martën njoftoi 523 vdekje të reja nga coronavirusi dhe 33,417 raste të reja të konfirmuara gjatë 24 orëve të mëparshme, numri më i lartë ditor i vdekjeve që nga prilli, kur virusi ishte më i ashpër.

Lajme të sponsorizuara

Të fundit
Mbetjet e 59 trupave janë zbuluar në një varr në…