Muzicienti dhe regjisori i njohur, Visar Reka, ka ndërruar jetë pas një sëmundje të rëndë, ka njoftuar të hënën motra e të ndjerit, Valbona Reka.

Ai ka lindur në Shkup ndërsa në vitin 1990 ka migruar në Angli e më pas në Zvicër.

Reka ka qene muzicient (Manyfest, Telex, Violeta Rexhepagiç), regjisor e producent i filmave.

Gjatë vitit 1998, ai ka qenë zëdhënës i Ushtrisë Çlirimtare të Kosovës (UÇK) në Perëndim.

Reka ka qenë një prej njerëzve më të angazhuar në lëvizjen për pavarësinë e Kosovës.

Reka ka qenë edhe ekspert i sigurisë, ndërsa ka punuar edhe korrespondent i “Kohës Javore” nga Zvicra.