Piloti holandez Max Verstappen shprehet se triumfi në pistën e Austinit ishte i vështirë për të, sidomos pas startit jo të mirë të garës, ku humbi kryesimin.

“U detyruam të ndryshonim strategji, duke hyrë më shpejt për t’i ndërruar gomat. E dinim që kjo do të kishte pasoja në fund, por ia dolëm mbanë. Ishte suksesi më i vështirë i këtij sezoni”, ka thënë Max Verstappen.

“Edhe në ndalesën e dytë i ndërruam më herët gomat se Mercedesi, e dinim që do të vuanim, por ia dolëm mbanë. Lewisi u afrua shumë, por më duhet të falënderoj Mick Schumacherin. Më ndihmoi dy herë në xhiron e fundit. Fillimisht në vijën e drejtë, pasi përdora DRS-në për ta ruajtur distancën me Lewisin dhe më pas hapi krahun pa më krijuar probleme”, ka shtuar Verstappeni.