Veseli: FSK-ja është e gatshme të transformohet në ushtri

21 dhjetor 14:15

Kryetari i Kuvendit të Kosovës, Kadri Veseli, ka zhvilluar sot një vizitë në Ministrinë e Forcës së Sigurisë së Kosovës (MFSK), gjatë të cilës, është pritur në takim nga ministri Rrustem Berisha dhe komandanti i FSK-së, Rrahman Rama.

Kryeparlamentari Veseli dhe ministri Berisha kanë diskutuar për zhvillimin dhe ngritjen e kapaciteteve që FSK-ja ka shënuar gjatë këtyre viteve, për transformimin e saj në Forcë të Armatosur të Kosovës dhe objektivat strategjikë që ajo ka para vetes gjatë vitit në vijim.

Veseli ka thënë se Forca e Sigurisë së Kosovës është institucioni me reputacionin më të lartë në Republikën e Kosovës, falë vetë pjesëtarëve të saj.

Ai ka konfirmuar mbështetjen e vazhdueshme për fuqizimin dhe ngritjen e kapaciteteve të kësaj force, ndërsa konfirmoi gatishmërinë e Kuvendit për të marrë çdo vendim në interes të sovranitetit dhe të fuqizimit të shtetit të Kosovës.

Veseli ka deklaruar e vendimi për transformim të FSK-së në Forcë të Armatosur të Kosovës do të merret në koordinim me vendet partnere të NATO-s, posaçërisht Shtetet e Bashkuara të Amerikës.

“Pjesëtarët e FSK-së janë duke e bërë një punë të jashtëzakonshme dhe ketë ë dëshmon më së miri suksesi i tyre në garat ndërkombëtare. FSK-ja është partner i sigurt i NATO-s dhe e ardhmja e saj do të jetë në NATO”, ka thënë Veseli.

Ndërsa, ministri i FSK-së, Rrustem Berisha, vizitën e kryetarit të Kuvendit në Ministrinë e Forcës së Sigurisë e ka konsideruar nder dhe respekt që i bëhet këtij institucioni, ndërsa e informoi atë për të arriturat e saj dhe procesin e transformimit.

Lajme të sponsorizuara

Të fundit
Deputeti i Lëvizjes Vetëvendosje, Sami Kurteshi, në një konferencë për…